Mohamed Elsayed

ع ناصية | مطور ويب متخصص في بلوجر واقدم هنا خلاصة تجربتي في التعلم

 حصريا دورة تعلم بايلود النت المجاني

بسم الله الرحمن الرحيم

والصلاة والسلام على سيدنا محمد وعلى آله وصحبه اجمعين
اللهم علمنا ماينفعنا وانفعنا بما علمتنا انك انت العليم الحكيم

وبعد ..

نتيجة بحث الصور عن عمل بايلود فودافون

أخباركم أيه ياشباب ؟ 

يارب تكونوا بخير وفي افضل حال smile
موعدنا النهارده مع دورة تعلم بايلود النت المجاني
هانفهم مع بعض كل حاجة تقريبا بتتعلق بالبايلود
وبالمناسبه دي اول دورة في مصر بخصوص بايلود النت المجاني


نبدأ على بركة الله
الكل يركز معايا علشان نبقوا فاهمين مش حافظين
هانقسم الموضوع لــ 3 أقسام

  1. تعريف بعضالمفاهيم المهمة في مجالنا

  2. شرح لأكواد البايلود

  3. شرح كتابة البايلود بنفسك والتعرف على أخطائة

  4. شرح عمل كونفيجات للموبايل والكمبيوتر على أشهر البرامج

واحب انوه اني هاشرح الحاجات المهمة فقط لمجالنا يعني والغير مفيد لنا مش هاشرحة أختصارا للوقت

نبدأ بالمفاهيم المهمة لمجالنا

  • بروتوكول HTTP

  • تعريف أداة SSH

  • البروكسي

  1. برتوكول HTTP

تعريف البروتوكول
بكل بساطه هو اختصار لــ
Hypertext Transfer Protocol
وترجمتة بروتوكول نقل النص التشعبي !
يعني هو الوسيط اللي هاينقل مواد او محتوى الإنترنت بين المتصفح وبين السيرفر
لانه هو اللي بيوصل طلبك للسيرفر ويبعتلك الإستجابة

وبالنسبة لمعنى النص التشعبي
ده معناة كل نص يحتوي على رابط قادر على نقلك لصفحة اخرى يعني مش نص عادي
مثال لما أكتب  "صفحة" بنص عادي
في الحالة دي لو مررت الماوس على النص مش هاينقلك لصفحة تانية ..
 لكن لما اكتبها بنص تشعبي هاتقدر تنقلك مثال صفحة 
وهو ده النص التشعبي

  • البروتوكول ده بيعمل أربع حاجات

  1. 1 : انشاء وصلة مع السيرفر بعد تعرف بروتوكول TCP/IP على البيانات

  2. أرسال الطلب الى السيرفر (request)

  3. إستلام الاستجابة من السيرفر (response)

  4. أغلاق الاتصال مع السيرفر

يعني حضرتك أول ماتدخل على المنتدى اللي بيعملة بروتوكول HTTP خلف الكواليس

  • هو انشاء وصلة مع السيرفر المستضيف للمنتدى

  • إرسال طلب للسيرفر بعرض المنتدى

والطلب ده بيوصل على هيئة رسالة للسيرفر وعلشان انت عايز تدخل المنتدى رسالة الطلب بتكون مكتوبة بالشكلده

ولو تلاحظوا اني استخدمت بروتوكول HTTP
 الإصدار
HTTP/1.1
بسبب سرعتة وخلوة من المشاكل الموجوده في اصدار
HTTP/1.0

3 : بعد ارسال الطلب على الفور السيرفر هايستلم رسالة الطلب ويشوف الأوامر المطلوبه منه وطبعا الأمر اللي بعتناه هو عرض المنتدى
 لو المنتدى موجود عنده هايبعت الإستجابة للبروتوكول
والاستجابة بتكون على هيئة رسالة برضه بس هنا الرسالة بتكون خالية من الأوامر وبتكون عبارة عن أرقام وكل رقم وليه مفادة
 يعني مثلا لو المنتدى موجود الرسالة اللي هاتوصلك في سجل البرنامج او الــ LOG هاتكون

 HTTP/1.1 200 OK

ورقم 200 يعني الموافقة
ولو المنتدى مش موجود الرسالة هاتكون
404
والأرقام دي كلها هانعرفها مع بعض في نهاية الدورة
بعد استلام الاستجابة والدخول للمنتدى هنا البروتوكول بيقطع الاتصال بينه وبين السيرفر لحين طلب  اخر وأستجابة اخرى
نيجي لإصدارات البروتوكول اللي أتكلمت عنهم فوق
طبعا البايلود اللي بنستخدمة مافيهوش غير إصدارين

HTTP/1.0
HTTP/1.1
الإصدار الأول بكل بساطة مش بيوصل غير طلب واحد بس للسيرفر في كل وصلة
يعني لو طالب صفحة فيها صورتين في الحالة دي هايفتح معاك 3 وصلات ف 3 صفحات
ودول الصفحات اللي هايفتحهم
1 لكود HTML
2 الصورة الأولى
3 الصورة الثانية
وطبعا دي مشكلة كبيرة فعلشان كدا حلو المشاكل دي بالأصدار ده
HTTP/1.1
والأخير ده اسرع من الأول وبيفتح اكتر من حاجة في وصله واحده

لحد كدا تمام
 smile

  • الفائدة من معرفة بروتوكول HTTP ؟ g

 
الجواب لأن أكواد البايلود ماهي إلا لغة خاصه بيه وبيعرف من خلالها طلبك
ومن غير الاكواد او الأوامر دي البروتوكول مش هايفهمك علشان كدا أتكلمت عنة
 smile

ندخل على المفهوم الثاني
2 : الــ SSH
هو أختصار لــ secure shell
وتقدر تقول انها أداة  تستخدم للإتصال البعيد بين جهازين
طبعا الاتصال  بيتم لتنفيذ أوامر معينه بيحددها أحد الجهازين للجهاز الأخر
والأداة دي بتتميز بالحمايه الفائقه في نقل البيانات لأنها تتمتع بتشفير قوي جدا
والأداة ليها "بورت" أفتراضي وهو "22"
والبورت ممكن يتغير ل 443 أو ايه بورت أخر ولكن يبقى بورت 22 هو الافتراضي
وعلشان الاتصال يكون ناجح لازم يكون معاك
اسم مستخدم
وكلمة مرور 
لنجاح الاتصال بالأداة

وعلشان نستخدم الاداة دي في النت المجاني يلزمنا برامج لتشغيلها واللي هانتكلم عنهم بالتفصيل في الجزء الرابع من الدورة

المفهوم الثالث
البروكسي سيرفر (proxy server)
وده بكل بساطة عبارة عن Software (برنامج)
الشركات الموزعه للإنترنت بتقوم بتركيبه عندها علشان تحدد المواقع المسموح ليك زيارتها
البروكسي ليه 3 وظائف
المهم لينا هي وظيفة Filtering
او جدار الحماية المسؤل عن فلترة المواقع ودي الشركة بتحدد من خلالها المواقع المسموح لك زيارتها والغير مسموح لك
وفي حالة دخولك موقع متفلتر في الحالة دي طلبك مش هاينجح لان البروكسي هايمنعه
وماننساش وظيفة الــ Redirection
ودي المسؤله عن تحويل الطلب  لطلب أخر تحدده الشركة
يعني حضرتك مش عندك رصيد وعايز تدخل على منتدى عمالقة العرب في الحالة دي الشركه بتحول طلبك من المنتدى لموقع اخر خاص بيها وليكن النوته مثلا
وده بيتم عن طريق الوظيفة دي

وبكدا نكون وصلنا لنهاية الجزء الأول من الدورة
وعن قريب ان شاء الله هنزل الجزء الثاني واللي هانتكلم فيه عن شرح أكود البايلود
نسألكم الدعاء لي بظهر الغيب
والسلام عليكم

اهلاً و مرحباً بك في موقعنا
ادعمنا بالأشتراك في القناة وانضم الينا