قصص القرءان

من أكثر قصص القرآن رعبا ربما تحتوي الصورة على: ‏‏شخص أو أكثر‏‏ 
قصة أصحاب السبت.. 

لو تدبرت القصة بعقلية اليومين دول ممكن تحس انهم معملوش حاجة غلط أوي يعني.. 
ربنا قالهم متصطادوش يوم السبت والنَّاس قاعدة مفيش سمك طول الأسبوع ومش بيجي سمك غير يوم السبت، فهما معملوش حاجة غير انهم حطو الشبك الجمعة بالليل ولمو السمك الأحد الصبح، يعني هما بنفسهم مصطادوش يوم السبت، تحس عادي يعني هما عملوا ايه.. 
أكيد في شيوخ عندهم قالولهم يجوز مادام انتو بس رميتو الشبك.. 
وناس منهم قالولهم واحنا مالنا.. 
وأكيد سمو الصيد بتاع السبت دا حاجة غير الصيد..
لو فكرت فيها بعقلية الفهلوة بتاعت اليومين دول ممكن تلاقي انهم معملوش حاجة.. 
بس دا ربنا غضب عليهم ولعنهم، يعني أخرجهم من رحمته وجعلهم قردة خاسئين..
(وَلَقَدْ عَلِمْتُمُ الَّذِينَ اعْتَدَوْا مِنْكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ)
كل دا عشان لفوا وداروا حوالين أمر ربنا سبحانه وتعالى، 
أد إيه في ناس النهارده عايشة بعقلية المُحلل بتلِّف وتدور..
الخمرة بقت مشروبات روحية، والرشوة بقت إكرامية، والربا فايدة، والتفلُّت حرية، واللي مش بيصلي بقولك الدين معاملة، واللي يصلي الجمعة بس ويقولك مش أحسن ما اصليش، واللي بيجمع الصلاة كلها قبل ما ينام، واللي يروح صلاة الجمعة على الصلاة بس وربنا أمر انك تحضر الخطبة والصلاة،.. والحجاب اللي بقى سبانش واللي واللي واللي..

بصراحة حالنا صعب ومش كويس ويمكن يكون دا سبب حالنا كأفراد وحال الأمة كلها.. 
المصيبة ان يكون ربنا غضبان علينا أو حتى خارجين من رحمته واحنا مش حاسِّين وفاكرين اننا من أولياء الله الصالحين.
احنا بجد محتاجين نعامل ربنا كَرب عظيم يأمر فيُطاع-
ربنا بيقول : (مالكم لا ترجون لله وَقَارا).. 
وبيقول: (وما قدروا الله حق قدره).. 
وبيقول: (ولو أنهم فعلوا ما يُوعظون به لكان خيرا لهم).. 
استقيموا.. ينصلح حال الأمة.. ويرفع الله عنها البلاء

نسئلكم الدعاء بالرحمه والمغفره 
الامام الدكتور /محمد نور السيد المقدامى 

تعليقات

الأرشيف

نموذج الاتصال

إرسال