hossam elsayed

ع ناصية | مطور ويب متخصص في بلوجر واقدم هنا خلاصة تجربتي في التعلم

كريم عبد المجيد يكتب...... 
هل شاهد العثمانيون أجسام طائرة (يوفو UFO)؟ 
1. أصدرت اليوم وزارة الدفاع الأمريكية

ربما تحتوي الصورة على: ‏‏نص‏‏
 البانتجون بشكل رسمي ثلاث فيديوهات قصيرة عن ظاهرة غير معروفة لأجسام تطير بسرعة كبيرة تشبه الأطباق الطائرة الي بتظهر في أفلام الخيال العلمي، والي كان سبق إن شركة خاصة في سبتمبر 2019 الماضي نشرتهم ع الشبكة


.  
2. الفيديوهات فيها ناس من البحرية الأمريكية بيتكلموا عن رصدهم لجسم بيطير بسرعة كبيرة، وإن في طيار أمريكي في 2004 أعلن أنوا شاف جسم زيي ده في الجو بيتحرك بشكل غريب غير قابل للتفسير. 



3. من اللافت إن عندنا شهادات لطيارين أتراك في العقدين الي فاتوا بيذكروا أنهم كانوا بيشوفوا أجسام طائرة أثناء رحالتهم، وبيقدروا يوصفوا شكلها وفي منهم إلى ذكر إنها كانت مستديرة وبتطلق ألوان خضرا وشافها على أرتفاع 17.000 قدم. 


4. من الأشياء الغريبة جدًا في العهد العثماني إن أحنا عندنا وثيقة بترجع للقرن التاسع عشر، خاصة في 19 أكتوبر 1838، مذكور فيه إن في عساكر وأهالي بالقرب من مدينة #ماردين جنوب تركيا حاليًا شاهدوا عاصفة ضخمة فجأة اندلعت في منتصف الليل وظهر منها جسم مستدير منور أضاء كل الأفق وفجأة الجسم ده تفتت حتت صغيرة وسقط على الأرض.  
5. في 21 أكتوبر 1838 أُخبر السلطان محمود الثاني بالحادثة بواسطة قاضي يدعى السيد حاج إسماعيل حقى، أرسل للحكومة العثمانية في إسطنبول بالتفصيل الي حصل وذكر في التقرير إن الساعة أربعة ونص فجرًا هبت عاصفة ضخمة ظهر منها نور عظيم أضاء الأفق كله، خلى الناس تترعب وتدعي ربنا لأنهم ظنوا إن ده ربما نوع من العقاب. 
6. بعد فترة النور العظيم ده اتفتت حتت وسقط على الأرض، وإن العامة من الناس وعساكر في قرية زيارة -حاليا في محافظة ماردين- شافوا بعينهم الي حصل ده، وبعدها بشيء بسيط الجنود لقوا سيوفهم الي حطينها في مكان يشبه المستودع، لقوا حواف السيوف دي بتلمع بشكل جامد، ومهما يحاولوا يمسحهوا كانت بتظل تلمع بقوة. وبعد دقائق من الحادثة دي النور الي على الأرض ده اختفى تماما. إسماعيل حقى لما أرسل الرسالة دي للسلطان كان بيقوله فيها إن الظاهرة دي نادرة جدًا عشان كدا أحنا أرسلنا ليك التقرير ده.



7. الشيء الأكثر غرابة من كدا، إن بعد الحادثة دي بأقل من عام في 20 مايو 1839 حصل في مدينة دينزلي في الأناضول ظاهرة أكثر غرابة، وهي إن الناس شافت في السماء شيء طائر على شكل ليمونة مضيء بشكل كبير بعرض 3 أو 4 متر وبيتحرك بسرعة كبيرة، وقادم من اتجاه مكة، وإن الكرة دي هبطت على حافة جبل في المنطقة وأضاءت المنطقة بشكل كبير.     
8. كذلك من ضمن الظواهر الغريبة في العصر العثماني والي تم تصويره في منمنمات موجودة حتى الآن، ظهور جسم لامع بشكل كبير لمدة شهرين ونص في سماء إسطنبول بداية من أول شهر رمضان عام 985 هـ / 12 نوفمبر 1577، لدرجة خلت السلطان يستدعي كبير الفلكيين "تقي الدين الشامي" الي فسره الأمر بأنه طالع خير وإنه سينتصر على الجيوش الصفوية في إيران. 

9. كل الكلام الي فات ده مش حكايات خرافية، بل كلام مستند لوثائق من شهود عيان. قد يكون ظواهر طبيعية منعرفش ايه دي وقد يكون شيء غير طبيعي، وهيا مذكورة في بحث للباحث المتخصص في التاريخ العثماني Orlin Sabev في عدد من دورية دراسات بلقانية الصادرة عن الأكاديمية البلغارية للعلوم، استنادًا إلى وثيقة ضمن الوثائق 



العثمانية الكثيرة الموجودة حتى الآن بالمكتبة الوطنية بصوفيا. (الصورة المرفقة بالبوست هيا الرسالة إلى أرسلها السيد إسماعيل حقى للسلطان محمود الثاني).

اهلاً و مرحباً بك في موقعنا
ادعمنا بالأشتراك في القناة وانضم الينا